فاتورة استيراد بـ350 مليون دولار.. خامات المنجنيز والحراريات تكلف مصر الكثير

350 مليون دولار.. فاتورة استيراد مصر من خامات المنجنيز والحراريات.. بس إيه أصلًا الخامات دي؟ وليه مصر بتستوردها؟

المنجنيز من الخامات المهمة في صناعات كتير، وعلى رأسها صناعة الحديد والصلب، وبيستخدم لتحسين خصائص المعادن وزيادة قدرتها على التحمل.

أما المواد الحرارية، فدي بتدخل في تبطيـن الأفران والمعدات اللي بتتعرض لدرجات حرارة شديدة جدًا، وعلشان كده بتعتبر أساسية في صناعات زي الحديد والأسمنت والزجاج والسيراميك.

المشكلة إن جزء كبير من احتياجات الصناعات دي بيعتمد على الاستيراد، وده بيحط ضغط كبير على فاتورة الواردات..

وعشان كده فيه توجه لزيادة التصنيع المحلي للخامات ومستلزمات الإنتاج، وتقليل الاعتماد على الاستيراد، خصوصًا في الصناعات الاستراتيجية.

يعني الـ350 مليون دولار مش مجرد رقم في فاتورة استيراد.. دي فرصة لصناعة محلية ممكن توفر عملة صعبة وتدعم قطاعات إنتاجية مهمة في مصر..