السكر المصري في الأسواق العالمية.. 3.3 مليار جنيه صادرات في شهر

صادرات السكر المصري بتشهد قفزة جديدة، بعد السماح بتصدير الكميات اللي بتزيد عن احتياجات السوق المحلي.

خلال الشهر الماضي بس، صادرات مصر من السكر وصلت لحوالي 64 مليون دولار، يعني ما يعادل نحو 3.3 مليار جنيه.

وبحسب بيانات المجلس التصديري للصناعات الغذائية، قيمة صادرات السكر خلال أول 8 شهور من السنة وصلت لحوالي 240 مليون دولار، بزيادة 7%، مقارنة بنحو 176 مليون دولار خلال أول 7 شهور.

والزيادة دي جات بعد قرار وزارة الاستثمار والتجارة الخارجية بالسماح بتصدير مختلف أنواع السكر لحد نهاية السنة، لكن بشرط أساسي، وهو إن التصدير يكون من الكميات الفائضة عن احتياجات السوق المحلي.

والقرار جه بعد تحسن المعروض من السكر في السوق، عقب فترة من القيود على التصدير لضمان توفير السلعة للمستهلكين.

وكمان القرار اشترط موافقة وزير الاستثمار والتجارة الخارجية قبل تنفيذ عمليات التصدير، مع تحديد وزارة التموين للكميات الفائضة القابلة للتصدير.