البيض بـ115 جنيه.. مين السبب التصدير ولا حاجة تانية؟
الأحد 27/سبتمبر/2026 - 07:30 ص
البيض وصل لـ115 جنيه مرة وناس كتير قالت إن السبب هو التصدير بس الحقيقة ان التصدير مش هو السبب!
رئيس شعبة الدواجن كشف إن ارتفاع أسعار البيض حصل بعد خروج عدد من المنتجين، خصوصًا الصغار، من السوق بسبب الخسائر الكبيرة اللي اتعرضوا لها وقت ما الأسعار نزلت لـ60 و65 جنيه، رغم إن تكلفة الإنتاج كانت بتتجاوز 105 جنيه.
ومع تراجع الإنتاج والمعروض، الأسعار بدأت ترتفع ووصل طبق البيض حاليًا لحوالي 115 جنيه، قريب من التكلفة الفعلية، بحسب تصريحاته.
كمان سعر طن العلف زاد حوالي 1500 جنيه، ومع بداية موسم المدارس زاد الطلب على البيض.
ورئيس الشعبة نفى إن التصدير يكون السبب، وأكد إن الكميات المصدرة محدودة مقارنة بالإنتاج المحلي.
