التعليم تفتح باب سد العجز.. مين يقدر يشتغل مدرس بالحصة؟

لو بتدور على فرصة شغل في التدريس، وزارة التربية والتعليم أعلنت قواعد الاستعانة بمعلمين بالحصة للعام الدراسي 2026/2027، لسد العجز في المدارس، خصوصًا التخصصات الأساسية والمواد الفنية بالتعليم الفني.

والوزارة أكدت أن الاستعانة بالحصة ممكن تشمل حملة المؤهلات العليا التربوية من غير العاملين بالوزارة، وكمان المعلمين المعينين اللي بيشتغلوا فوق النصاب القانوني، على ألا تتعدى قيمة الحصة الواحدة 50 جنيه.

والاختيار هيكون حسب التخصصات المطلوبة ومناطق العجز، مع ضرورة تناسب المؤهل الدراسي مع المادة اللي المتقدم هيشتغل فيها.

أما المستندات المطلوبة، فتشمل طلب من مدير عام الإدارة التعليمية، و4 صور من المؤهل، و4 صور من بطاقة الرقم القومي، و4 صور من الدبلومة لغير التربويين، و4 صور من أداء الخدمة العامة، بالإضافة لدوسيه بلاستيك بكل الأوراق.

ولو أنت مهتم، تابع الإدارة التعليمية لمعرفة التخصصات المطلوبة ومواعيد وإجراءات التقديم.