الفراخ نزلت والبيض ولع.. مفاجأة في أسعار الدواجن والبيض

الفراخ نزلت والبيض ولع.. يا ترى إيه اللي بيحصل في سوق الدواجن وإيه سبب ارتفاع أسعار البيض رغم اسقرار الفراخ تعالوا نعرف إيه الحكاية.

النهاردة استقرت أسعار الفراخ البيضاء في البورصة عند 76 و 77 جنيه للمستهلك.. اما الفراخ الساسو سجلت زيادة ووصلت ل130 جنيه للكيلو في الأسواق .. وكيلو البانيه وصل سعره بين 240 و 260 جنيه

لكن على الجانب الثاني شهدت أسعار البيض ارتفاع جديد.. ف سجلت كرتونة البيض الأحمر 120 جنيه جملة وبتتباع للمستهلك ب 130 جنيه بينما البيض الأبيض وصل لـ 125 جنيه للمستهلك.

طيب ايه سبب التغير ده؟

ببساطة وحسب الخبراء وضحوا إن التغيرات دي بترجع لتلات عوامل أساسية بتتحكم في السوق وهما العرض والطلب وتكاليف الإنتاج بالإضافة للتغيرات والعوامل البيئية.