242 ألف طن قش أرز.. مصر بتحاصر "السحابة السوداء" قبل ما تبدأ

قش الأرز اللي ناس كتير بتعتبره مجرد مخلفات.. مصر بتتعامل معاه دلوقتي كجزء أساسي من معركة مواجهة تلوث الهوا.

خلال النصف الأول من سبتمبر بس، تم جمع حوالي 242 ألف طن من قش الأرز في القاهرة الكبرى والدلتا، بدل ما يتحرق في الحقول ويتحول لمصدر من مصادر تلوث الهواء.

وده مهم خصوصًا إن الجهات المعنية رصدت خلال نفس الفترة 131 نقطة حرق باستخدام منظومة الإنذار المبكر وصور الأقمار الصناعية.

والفكرة مش بس إن القش مايتحرقش..

منظومة الجمع والكبس بتستهدف كمان تحويل المخلفات الزراعية لمورد ممكن يدخل في التدوير والاستخدامات الاقتصادية بدل التخلص منه بالحرق.

والنتيجة المعلنة إن الإجراءات الخاصة بالمخلفات الزراعية والانبعاثات الصناعية ساهمت في تجنب حوالي 3908 أطنان من الملوثات، بينها 480 طن من الجسيمات الصلبة، و2188 طن من أكاسيد النيتروجين، و1240 طن من ثاني أكسيد الكبريت.

ومع قش الأرز، مصر كمان بتكثف الرقابة على مصادر تانية للتلوث، من المصانع لعوادم المركبات، ضمن خطة للتعامل مع نوبات تلوث الهواء الحادة.

يعني قش الأرز اللي كان بيتحرق زمان ويتحول لمشكلة بيئية.. بيتجمع دلوقتي بدل ما يزوّد أزمة تلوث الهوا.