من غير ما تروح مكتب التموين.. خطوات استخراج بدل فاقد بطاقة التموين 2026

بطاقة التموين لو ضاعت أو اتلفت، مش لازم كل مرة تروح مكتب التموين، لأن دلوقتي تقدر تقدم على بدل فاقد أو تالف إلكترونيًا من خلال منصة مصر الرقمية.

كل اللي عليك تدخل على المنصة، وتختار «خدمات التموين»، وبعدها «إصدار بدل فاقد أو تالف»، وتوافق على الشروط والأحكام، وتدخل بياناتك المطلوبة، وبعد كده تراجع البيانات وتكمل تقديم الطلب إلكترونيًا.

بس لازم تعرف أن رب الأسرة ومالك البطاقة هو اللي يقدر يقدم على استخراج البطاقة البديلة، وكمان لازم يكون مستحق للدعم ومش من الفئات المستبعدة من منظومة التموين.

ولو عايز تضيف مولود، تقدر تعمل ده برضه من خلال منصة مصر الرقمية، وتدخل على خدمات التموين، وتختار إضافة أفراد الأسرة غير المقيدين، وبعدها تكتب اسم المولود رباعي، والرقم القومي من شهادة الميلاد، وصلة القرابة، وتختار «ضم الأبناء» ثم «إضافة».