الـ14 عالميًا.. مصر تحقق 290 مليون دولار من صادرات السكر
السكر المصري مش بس بيكفي احتياجات السوق.. ده كمان بيكسب أرض جديدة في الأسواق العالمية.
خلال 2025، صادرات مصر من سكر القصب والبنجر والسكروز وصلت لحوالي 290 مليون دولار، بإجمالي كميات بلغت 581 ألف طن.
والرقم ده حط مصر في المركز الـ14 عالميًا بين أكبر الدول المصدرة للسكر، بحصة بتقرب من 2% من إجمالي الصادرات العالمية.
واللافت إن صادرات السكر المصرية حققت نموًا سنويًا مركبًا بلغ حوالي 17% خلال 5 سنوات، من 2020 لحد 2025.
أما أكبر الأسواق المستقبلة للسكر المصري، فجاءت لبنان في الصدارة بصادرات قيمتها 107 ملايين دولار، وبعدها السودان بـ69 مليون دولار، ثم الصومال بـ29 مليون دولار.
والدول الخمس الأكبر استحوذت لوحدها على حوالي 82% من إجمالي صادرات السكر المصري خلال 2025.
يعني مصر مش بس بتنتج السكر بكميات كبيرة.. لكنها كمان بتوسع حضورها كمصدر عالمي، وبتحاول تفتح أسواق جديدة لمنتج مصري قادر ينافس بره.
