خصم 25% وتقسيط 3 سنين.. تيسيرات جديدة لأصحاب العقارات المخالفة
لو عندك عقار مخالف ولسه ماقدمتش على التصالح، خد بالك من الموعد ده كويس.
رئيس الوزراء مد فترة تقديم طلبات التصالح في مخالفات البناء 6 شهور إضافية، والمهلة الجديدة بدأت يوم 5 مايو 2026، وبتستمر لحد نوفمبر 2026.
والتصالح بيتم وفقًا لقانون التصالح في مخالفات البناء رقم 187 لسنة 2023 ولائحته التنفيذية، وهدفه تقنين أوضاع العقارات المخالفة وفق الضوابط القانونية.
أما الأوراق المطلوبة، فأبرزها صورة بطاقة الرقم القومي، وما يثبت صفة مقدم الطلب وملكية أو حيازة العقار، بالإضافة للرسومات الهندسية المعتمدة، وتقرير السلامة الإنشائية حسب الحالة، وإيصال سداد رسم الفحص ومقابل جدية التصالح.
والقانون كمان بيدي تسهيلات في السداد؛ منها خصم يصل لـ25% عند السداد الفوري، أو التقسيط لمدة تصل لـ3 سنوات بدون فوائد، وفي بعض الحالات ممكن تمتد مدة السداد لـ5 سنوات بعائد وفق الضوابط القانونية.
