120 ألف طن سنويا.. مصنع جديد في مصر يحول "كربونات الكالسيوم" لثروة تعدينية
ثروة معدنية جديدة بتدخل خط الإنتاج في مصر.. في منطقة السخنة الصناعية، رئيس الوزراء افتتح مصنع "وايت ستون إيجيبت للتعدين" لإنتاج كربونات الكالسيوم، باستثمارات وصلت لـ5 ملايين دولار.
لكن إيه أهمية المصنع ده؟
كربونات الكالسيوم مش مجرد خام معدني.. دي مادة أساسية بتدخل في صناعات كتير جدًا، منها البلاستيك والدهانات ومواد البناء وغيرها.
والمصنع الجديد عنده طاقة إنتاجية تصل لـ120 ألف طن سنويًا، وبيصنّع كربونات الكالسيوم المغلفة وغير المغلفة، وكمان بيستهدف التصدير.
والمشروع مقام على مساحة حوالي 9260 متر مربع، ومش بس هيزود الإنتاج المحلي..
ده كمان هيوفر حوالي 100 فرصة عمل مباشرة و200 فرصة غير مباشرة.
يعني مصر مش بس بتستخرج ثرواتها التعدينية.. لكن بتتجه أكتر لتحويل الخامات لمنتجات صناعية لها قيمة مضافة، وده معناه إنتاج أكتر، وصادرات أقوى، وسلاسل توريد محلية أكبر.
120 ألف طن سنويًا.. رقم جديد في صناعة التعدين المصرية.
