تراجع كبير في أسعار البيض والفراخ.. وأزمة جديدة تهدد المربين

كيلو الفراخ بـ 65 جنيه وطبق البيض نزل لـ 60 جنيه في المزرعة.. يا ترى إيه اللي بيحصل في سوق الفراخ وليه فيه تهديد على المربين تعالوا نعرف إيه الحكاية.

رغم إن انخفاض الأسعار خبر يفرح المستهلك لكن اتحاد منتجي الدواجن كشف عن أزمة كبيرة بتواجه المربين بسبب ارتفاع تكاليف الإنتاج مقابل تراجع الأسعار.

نائب رئيس اتحاد منتجي الدواجن وضح إن المربي حاليا بيخسر حوالي 10 جنيه في كل كيلو فراخ يعني نحو 20 جنيه خسارة في الفرخة الواحدة وده خلى عدد من المربين يخرجوا من السوق

وعشان تتحل الأزمة دي فيه اتفاق بين وزارتي التموين والزراعة لاستغلال فائض الإنتاج وتخزينه وإعادة طرحه وقت العجز مع مطالب بتقديم إعفاءات ضريبية ودعم المربين عشان الصناعة تستمر.