25 ألف شقة قدامك.. إيه الفرق بين الـ15 ألف إيجار والـ10 آلاف إيجار منتهي بالتملك؟
لو بتدور على شقة ضمن طرح «سكن لكل المصريين 9»، مهم تعرف الفرق بين نظام الإيجار والإيجار المنتهي بالتملك.
وزارة الإسكان هتطرح إجمالي 25 ألف وحدة، منهم 15 ألف شقة بنظام الإيجار، و10 آلاف وحدة بنظام الإيجار المنتهي بالتملك.
بالنسبة لـ15 ألف شقة الإيجار، التقديم بيكون من خلال منصة مصر الرقمية، وفيه مصروفات تسجيل 365 جنيهًا، بالإضافة لتأمين 10 آلاف جنيه للوحدة، وده بيرجع بعد انتهاء مدة الإيجار أو في حالة رفض الطلب. وكمان الدولة بتقدم دعم إيجاري يصل لـ100 ألف جنيه.
أما الـ10 آلاف وحدة للإيجار المنتهي بالتملك، فالتقديم عليها بيكون من خلال بوابة مسكن، والوحدات موزعة على حوالي 26 مدينة جديدة، ومساحاتها من 57 لحد 161 مترًا.
من الآخر، الإيجار هدفه توفير سكن بتكلفة مناسبة، بينما الإيجار المنتهي بالتملك بيدي المستفيد طريقًا للتملك وفق الشروط وآليات السداد المحددة في كراسة الشروط.
