عايز شغل بمرتب يوصل لـ15 ألف؟ وزارة العمل تعلن عن فرص جديدة للشباب
الإثنين 07/سبتمبر/2026 - 03:00 ص
لو بتدور على شغل، وزارة العمل أعلنت عن فرص جديدة للشباب في كذا محافظة، وبمرتبات بتوصل لـ15 ألف جنيه.
في السويس، وتحديدًا المنطقة الصناعية بعتاقة، فيه 80 فرصة عمل في مجالات الهندسة والكهرباء والكيمياء والتشغيل ومراقبة الجودة، والمرتبات من 7 لـ8 آلاف جنيه، بالإضافة لـ500 جنيه بدل انتظام.
وفي الدقي بالجيزة، فيه 50 فرصة لأخصائيي تنظيم البرامج السياحية، براتب أساسي 7 آلاف جنيه غير العمولات، والوظيفة بتشترط مؤهل عالي.
أما في دمياط الجديدة، فالمطلوب 10 عمال إنتاج براتب 7 آلاف و800 جنيه، وكمان سائقين برخصة درجة تانية براتب 15 ألف جنيه.
وفي شرق العوينات، فيه 10 فرص لعمال زراعيين براتب 7 آلاف جنيه، ومن غير اشتراط مؤهل، والسن لحد 35 سنة.
يعني لو مؤهلك عالي أو متوسط أو حتى من غير مؤهل، الفرص موجودة.. وكل وظيفة ليها شروط وسن ورقم للتواصل.
