آسيا بتفتح أبوابها للمحاصيل المصرية.. 440 مليون دولار دخلوا مصر من الصادرات الزراعية
آسيا بتفتح أبوابها للمحاصيل المصرية.. والصادرات الزراعية داخلة على أرقام قوية.
خلال الموسم التصديري الحالي وحتى نهاية يوليو، صادرات الحاصلات الزراعية المصرية لدول آسيا وصلت لـ440 مليون دولار، مقابل 380 مليون دولار في نفس الفترة من الموسم اللي فات.. يعني زيادة حوالي 15%.
والرقم ده بيحط آسيا في المركز الرابع بين أكبر الأسواق المستوردة للحاصلات الزراعية المصرية.
طيب إيه أكتر المحاصيل اللي عليها طلب؟
الموالح في الصدارة، وبعدها التمور، ثم النباتات الطبية والعطرية، والبطاطس والبصل.
أما على مستوى الدول.. فالهند جت في المركز الأول كأكبر سوق آسيوي للحاصلات المصرية، بعدها الصين، ثم بنجلاديش وباكستان وماليزيا.
والقصة مش واقفة عند كده.. إجمالي صادرات مصر الزراعية وصل لنحو 6.8 مليون طن منذ بداية العام.
يعني المحاصيل المصرية مش بس بتوصل لأسواق جديدة.. دي كمان بتزود وجودها في واحد من أكبر أسواق العالم، وآسيا ممكن تكون بوابة جديدة لزيادة الصادرات ودخول عملة صعبة لمصر.
