عندك عداد كودي؟.. اعرف الـ5 أوراق المطلوبين لتحويله لعداد قانوني
الأحد 06/سبتمبر/2026 - 03:00 ص
لو عندك عداد كهرباء كودي وعايز تحوله لعداد قانوني، فالإجراءات بقت أسهل، خصوصًا إن أكتر من 500 ألف عداد كودي تم تحويلهم بالفعل.
تقدر تقدم طلب تقنين العداد من خلال المنصة الموحدة لخدمات الكهرباء، أو تروح لهندسة الكهرباء التابعة للعقار، وتقدم المستندات المطلوبة.
وأهم الأوراق المطلوبة هي 5 مستندات: شهادة توصيل المرافق أو المطابقة من المركز التكنولوجي، ومستند التصالح سواء نموذج 7 أو 8 أو 10 حسب الحالة، وصورة بطاقة الرقم القومي، ومستند ملكية العقار أو عقد إيجار موثق، بالإضافة لآخر إيصال شحن للعداد الكودي.
طيب إيه الفايدة بعد التقنين؟.. العداد هيتحول من الوضع المؤقت للوضع القانوني، وهتتحاسب على استهلاكك الفعلي وفق شرائح الاستهلاك المنزلي، بدل المحاسبة الموحدة للعدادات الكودية.
