الإيجار القديم داخل على زيادة جديدة.. 15% زيادة سنوية ومفاجآت في القيمة الجديدة
الأربعاء 02/سبتمبر/2026 - 07:00 ص
خلي بالك لو أنت من ملايين المستأجرين في قانون الإيجار القديم، لازم تاخد بالك أن النهاردة هتبدأ أول زيادة سنوية بنسبة 15% على القيمة الإيجارية الجديدة، بعد مرور سنة على تطبيق قانون الإيجار القديم الجديد رقم 164 لسنة 2025.
طب الإيجار الجديد بيتحسب إزاي؟
القانون قسم المناطق السكنية لـ3 فئات.
المناطق المتميزة: الإيجار بقى 20 مثل القيمة القانونية القديمة، وبحد أدنى 1000 جنيه شهريًا.
أما المناطق المتوسطة والاقتصادية، فالقيمة بقت 10 أمثال الإيجار القديم، بحد أدنى 400 جنيه للمتوسطة و250 جنيهًا للاقتصادية.
وبالنسبة للمحال والمنشآت والوحدات غير السكنية المؤجرة للأشخاص الطبيعيين، فالقيمة الجديدة بتوصل لـ5 أمثال القيمة القانونية الحالية، وبعد كده بتزيد 15% سنويًا.
والقانون حدد فترة انتقالية لإنهاء عقود الإيجار القديم: 7 سنين للسكني و5 سنين لغير السكني.
