بعد الانخفاض الاخير.. مفاجأة في أسعار الفراخ والبيض
مفاجأة في أسعار الفراخ والبيض.. الأسواق النهاردة شهدت تغيير جديد في أسعار الفراخ والبيض بعد فترة من الهدوء والاستقرار..
أسعار بعض الأنواع رفعت في المزارع وده انعكس على طول في محلات الطيور.
الزيادة الكبيرة النهاردة كانت في الفراخ الأمهات والساسو.. كيلو الأمهات زاد ١٥ جنيه في المزرعة ووصل لـ ٦٠ جنيه عشان يتباع للناس بـ ٧٦ جنيه.
والفراخ الساسو الحمراء زادت هي كمان ووصلت لـ ١٠٠ جنيه بالمزرعة وتتباع للمستهلك بـ ١١٣ جنيه.
ومع الزيادات دي سعر كيلو البانيه رفع لـ ١٧٠ و١٩٠ جنيه حسب المحل.
في نفس الوقت الفراخ البيضاء مستقرة عند ٦٠ جنيه في المزرعة وبتوصل للمستهلك بـ ٧٢ جنيه.. والبلدي بـ ١٢٠ في المزرعة و١٣٥ للمستهلك.
أما بالنسبة للبيض الكرتونة مستقرة دلوقتي وتتراوح بين ١٠٥ و١١٠ جنيه للمستهلك.. لكن اتحاد منتجي الدواجن وضح إن الفترة اللي جاية ممكن تشهد زيادة بسيطة في أسعار البيض بالتزامن مع بداية السنة الدراسية الجديدة وزيادة إقبال الأسر عليه.
