منحة المولد النبوي قربت.. اعرف هتقبض 1500 جنيه إمتى ومين يستحقها

لو أنت من العمالة غير المنتظمة ومستني منحة المولد النبوي، خد بالك من التفاصيل دي.

لحد دلوقتي، وزارة العمل ما أعلنتش رسميًا موعد صرف منحة المولد النبوي 2026، لكن المنتظر إعلان التفاصيل قبل ذكرى المولد النبوي، اللي هتوافق يوم الأربعاء 26 أغسطس.

قيمة المنحة المتداولة 1500 جنيه للعامل المستحق، لكن مش معنى إنك عامل غير منتظم إنك هتحصل عليها تلقائيًا.

لازم تكون مسجل في قاعدة بيانات العمالة غير المنتظمة، وتستوفي شروط الاستحقاق، ومن أهمها أن مهنتك تكون مثبتة في بطاقة الرقم القومي، وتكون مسجل لدى مديرية القوى العاملة، وما يكونش عندك سجل تجاري أو شركة خاصة أو مصدر دخل ثابت، وفقًا للضوابط.

والفئات المستهدفة بتشمل عمال البناء، والباعة الجائلين، والحرفيين، والمزارعين، وعمال الصيد وغيرهم.

أما الصرف، فبيكون من خلال منافذ البريد، حسب ما تعلنه الوزارة رسميًا.