لحمة وبيض وفراخ على بطاقة التموين.. مفاجأة للمواطنين بشأن منظومة الدعم الجديدة

الدعم هيتغير.. بس التموين بتقول: مش هننقص جنيه من قيمة الدعم!
وزارة التموين كشفت تفاصيل جديدة عن التحول من الدعم العيني للدعم النقدي، وقالت إن الهدف مش تقليل الدعم، لكن إن الفلوس توصل للمستحقين بشكل أفضل.

يعني بدل ما الدعم يبقى مرتبط بقائمة سلع محددة، المواطن هيكون عنده حرية أكبر يختار احتياجاته.

والأهم.. الوزارة بتقول إن قائمة السلع ممكن تتوسع، وتشمل اللحوم والبيض والدواجن واللبن، بجانب السلع الأساسية.

الحكومة كمان بتستهدف تقليل الفقد والتسرب اللي ممكن يحصل في منظومة الدعم العيني.

يعني كل اللي هيحصل أن الدعم مش هيقل، لكن طريقة وصوله للمواطن هي اللي هتتغير.