مين يقدر يحجز؟.. اعرف الفئات المستهدفة لوحدات الإيجار التمليكي
الجمعة 14/أغسطس/2026 - 01:30 ص
لو نفسك في شقة بنظام الإيجار التمليكي، وبتسأل: هل أنا من الفئات اللي ينفع تقدم؟
وزارة الإسكان بتستعد لطرح حوالي 15 ألف وحدة سكنية بنظام الإيجار العادي والإيجار التمليكي خلال الأسابيع الجاية.
والطرح مستهدف بشكل أساسي محدودي الدخل وأصحاب الدخول المنخفضة، والشباب حديثي الزواج، وكمان أصحاب الأعمال الحرة والعمالة غير المنتظمة، بشرط استيفاء شروط التقديم وإثبات الدخل والموقف المالي.
ومن أهم الشروط إن سن المتقدم ما يقلش عن 21 سنة، وما يكونش سبق له الحصول على وحدة سكنية أو قطعة أرض مدعومة من الدولة، أو استفاد من دعم سكني قبل كده، وكمان ما يكونش هو أو أسرته مالكين لوحدة سكنية بديلة.
والفكرة هنا إنك تدفع إيجار شهري مدعوم، ومع الالتزام بالضوابط تقدر تنتقل لاحقًا لنظام التملك. يعني لو من الفئات دي.. جهز ورقك وخليك متابع موعد فتح الحجز.
