أرخص دولة تشتري منها آيفون 17.. مصر تالت أغلى دولة في العالم

تفتكر تشتري آيفون 17 برو منين بأرخص سعر؟ المفاجأة إن اليابان هي الأرخص عالميًا ومصر في الناحية التانية خالص.

مقارنة أسعار الهاتف بسعة 256 جيجابايت في 41 دولة كشفت إن سعره في اليابان حوالي 1121 دولار بس

أما في أمريكا وكوريا الجنوبية، فالسعر حوالي 1181 دولار، وفي الصين بيوصل لـ1332 دولار

لكن المفاجأة الأكبر لما نوصل لمصر... مصر جت ثالث أغلى دولة في العالم لشراء الآيفون، بسعر حوالي 1872 دولار.

يعني فرق كبير جدًا عن اليابان وأمريكا.

والدولة الأغلى كانت تركيا بسعر وصل لـ2592 دولار، وبعدها البرازيل بـ2260 دولار.

طب ليه الفروق دي كلها؟

السبب الأساسي بيرجع للضرائب والرسوم المفروضة على الهواتف المستوردة.

في تركيا مثلًا، رسوم التسجيل والضرائب المرتفعة رفعت السعر لمستويات قياسية.

وعلى الناحية التانية، اليابان استفادت من انخفاض الضرائب الاستهلاكية وضعف الين، فبقت أرخص سوق لشراء الهاتف.

يعني نفس الآيفون...سعره ممكن يختلف بآلاف الدولارات حسب البلد اللي هتشتريه منها.