قبل ما تحجز.. اعرف التأمين والزيادة السنوية في شقق الإيجار التمليكي

لو ناوي تقدم في شقق الإيجار التمليكي.. لازم تعرف الالتزامات المالية قبل ما توقع أي عقد.

أول حاجة، هتدفع تأمين يعادل قيمة إيجار 3 شهور، وده بيكون ضمن شروط التعاقد، بالإضافة إلى الالتزام بسداد الإيجار الشهري في مواعيده.

كمان، الإيجار مش هيفضل ثابت طوال مدة التعاقد، لأن العقد بينص على زيادة سنوية بنسبة 7% على قيمة الإيجار، فلازم تحسب الزيادة دي ضمن ميزانيتك من البداية. 

وبالنسبة لمدة التعاقد، فهي 6 سنوات، مقسمة إلى فترتين، كل فترة 3 سنوات، وبعد انتهاء المدة، يحق للمواطن المنتظم في السداد التقدم بطلب تملك الوحدة، مع احتساب ما سبق سداده من الإيجار ضمن ثمن الشقة، واستكمال باقي القيمة من خلال التمويل العقاري وفق الضوابط المعلنة.

يعني قبل ما تقدم، متبصش للإيجار الشهري بس، احسب كمان التأمين، والزيادة السنوية، والتزامات العقد بالكامل، علشان تكون عارف التكلفة الحقيقية من أول يوم.