5 آلاف شقة كاملة التشطيب.. والإيجار هيقلب تمليك
الإثنين 03/أغسطس/2026 - 12:30 ص
اللي كان مستني شقة من الحكومة.. شكله جه الوقت اللي يستعد فيه للتقديم.
وزارة الإسكان أعلنت أنها هتطرح 5 آلاف شقة كاملة التشطيب بنظام الإيجار المنتهي بالتملك، في 25 مدينة جديدة، وده معناه إنك تقدر تبدأ بإيجار وبعدها تمتلك الوحدة.
التقديم هيكون بشروط أهمها إن سنك يكون من 21 لـ45 سنة، وماينفعش تكون أنت أو زوجتك أو أولادك القصر حصلتوا قبل كده على شقة أو أرض من الدولة.
وكمان أسرة واحدة ليها وحدة واحدة بس، بعد التخصيص لازم تدفع تأمين يعادل إيجار 3 شهور خلال 30 يوم، والتأمين بيتحدث كل سنة حسب زيادة الإيجار.
كراسة الشروط هتوضح كل التفاصيل، من المدن والمساحات لحد قيمة الإيجار وطريقة السداد والاستلام، لو كنت بتدور على فرصة سكن مناسبة، يبقى تابع الإعلان أول ما ينزل، واقرأ الشروط كويس قبل ما تقدم، عشان ماتضيعش الفرصة بسهولة.
