هتجيب راوتر بكام؟.. أسعار النت الأرضي وباقات 2026 بعد آخر تحديث

لو ناوي تركب نت أرضي أو تغير الراوتر بتاعك، يبقى لازم تعرف الأسعار الجديدة قبل ما تشتري، أسعار الراوتر الـVDSL دلوقتي بتبدأ من حوالي 1100 جنيه، وبتوصل لـ2800 جنيه للأجهزة اللي بتدعم السرعات العالية والتغطية الأقوى، وفي كمان أجهزة مستعملة أو كسر زيرو من 500 لـ900 جنيه للي عايز يوفر. 

ولو مش حابب تدفع المبلغ مرة واحدة، شركات الاتصالات بتوفر راوتر بالتقسيط على الفاتورة الشهرية، أو تشتريه كاش. 

ولو لسه معندكش خط أرضي، هتحتاج بطاقة رقم قومي، وعقد ملكية أو إيجار، وإيصال مرافق، وبعدها تقدم في أقرب فرع، أما باقات الإنترنت، فكل شركة عندها عروض مختلفة تناسب كل الاستخدامات، سواء فودافون أو أورنج أو إي آند أو WE، بأسعار بتبدأ من عشرات الجنيهات وتزيد حسب السرعة والسعة. 

وقبل ما تختار، قارن بين الأسعار والسرعات، علشان تجيب الجهاز والباقة اللي يناسبوا استخدامك وميزانيتك.