عداد الكهرباء عطلان؟.. غلطة واحدة ممكن تعرضك لغرامات كبيرة

لو عداد الكهرباء عندك عطل فجأة، أهم حاجة متحاولش تفتحه أو تصلحه بنفسك.

كتير بيفتكروا إنهم هيوفروا وقت، لكن الحقيقة إن فتح العداد أو الاستعانة بفني غير تابع لشركة الكهرباء ممكن يتعتبر عبث بالعداد، ويعرضك لمحضر سرقة تيار وغرامات مالية كبيرة، وفي بعض الحالات لمساءلة قانونية. 

ولو العداد وقف، بلاش تعمل توصيل مباشر أو ما يُعرف بـ"الكباري"، لأن دي من أخطر المخالفات، وبتترصد بسهولة أثناء حملات التفتيش. 

التصرف الصح هو إنك تبلغ شركة الكهرباء فورًا على الخط الساخن 121 أو تتوجه لأقرب فرع وتسجل شكوى رسمية، وبعدها هيتم إرسال فني مختص لفحص العداد، ولو العطل فني هيتم إصلاحه أو استبداله وفق الإجراءات، من غير ما تعرض نفسك لأي مشاكل قانونية.