للمقبلين على الشراء.. مواصفات وأسعار أرخص عربية بتقدمها جيتور في مصر

لو ميزانيتك في حدود مليون جنيه ونفسك تركب عربية عائلية شيك واسعة ومستوردة بالكامل يبقى الفيديو ده معمول علشانك.

وكيل علامة جيتور في مصر بيقدم العربية جيتور X70 كأرخص عربية للعلامة في السوق المصري خلال شهر يوليو الجاري.

العربية دي بتنتمي لفئة الـ SUV العائلية وبتيجي بـ 7 مقاعد ومساحات مريحة جدا وشنطة خلفية واسعة بتوصل لـ 1052 لتر عند طي الصف الثالث ومجهزة بمحرك تيربو سعة 1.5 لتر بقوة 156 حصان ومتصل بناقل حركة أوتوماتيك Wet DCT من 6 سرعات يعني أداء قوي واعتمادية على الطريق.

أما عن الأمان فالعربية واخدة حظها وزيادة لأنها نازلة بمنظومة كاملة من بوش بتشمل فرامل ABS و EBD ونظام ثبات إلكتروني ESP مع مراقبة ضغط الإطارات وحساسات ركن أمامية وخلفية وكاميرات 360 درجة بتديك رؤية بانورامية كاملة للمكان ده غير الوسائد الهوائية الأمامية والجانبية لحماية عائلتك.

والتجهيزات جوه العربية هتبهرك بجد؛ شاشة وسطية كبيرة 10.2 بوصة وعدادات رقمية 12.3 بوصة وتكييف قوي وفتحة سقف بانوراما وشاحن لاسلكي للموبايل مع كراسي جلد مريحة جدا والتحكم في كرسي السواق بيكون كهربائي بالكامل.

العربية متوفرة في السوق بفئتين؛ الأولى Comfort بسعر 1 مليون و95 ألف جنيه، والفئة الثانية الأعلى Luxury بتيجي بسعر 1 مليون و240 ألف جنيه.