قبل ما تقدم الطلب.. 5 حالات ممكن ترفض تحويل العداد الكودي لقانوني

لو عندك عداد كهرباء كودي وبتفكر تحوله لعداد قانوني، خد بالك.. في 5 حالات ممكن يترفض فيها طلبك حتى لو قدمت كل الأوراق.

أول حالة.. لو العقار لسه موقفه القانوني غير سليم، ومفيش ترخيص أو تصالح نهائي أو مستند يثبت قانونيته

تاني حالة.. لو البيانات اللي قدمتها مش مطابقة للمستندات الرسمية، سواء في الاسم أو بيانات الوحدة.

تالت حالة.. لو معندكش مستند يثبت الملكية أو حق الانتفاع بالوحدة.

رابع حالة.. لو في مخالفات فنية أو قانونية تمنع توصيل الكهرباء بشكل رسمي.

وخامس حالة.. لو الأوراق المطلوبة ناقصة أو غير مستوفاة، زي مستندات التصالح أو المستندات القانونية المطلوبة حسب حالة العقار.

قبل ما تقدم طلبك، راجع كل الأوراق كويس علشان توفر وقتك وتتجنب رفض الطلب من البداية.