مرتبك زاد؟.. اعرف إزاي تحسب قيمة الحوافز والمكافآت الجديدة في مرتب يوليو

لو أنت موظف في الحكومة، فمرتب الشهر ده هيختلف بعد بدء تطبيق الزيادات الجديدة، لكن ناس كتير مش عارفة تحسب قيمة الحوافز والمكافآت اللي هتضاف لراتبها.

الزيادة مش عبارة عن بند واحد، لكنها بتشمل العلاوة الدورية أو العلاوة الخاصة حسب جهة العمل، بالإضافة إلى زيادة ثابتة في الحافز الإضافي بقيمة 750 جنيهًا شهريًا، واللي بتتصرف مع المرتب بداية من يوليو.

ولو كنت من المخاطبين بقانون الخدمة المدنية، هتحصل على علاوة دورية بنسبة 12% من الأجر الوظيفي بحد أدنى 150 جنيهًا.

أما غير المخاطبين بالقانون، فيحصلون على علاوة خاصة بنسبة 15% من الأجر الأساسي بحد أدنى 180 جنيهًا، بالإضافة إلى الحافز الإضافي.

يعني علشان تعرف مرتبك الجديد، احسب قيمة العلاوة المستحقة حسب حالتك، وبعدها أضف إليها 750 جنيهًا قيمة الحافز الإضافي، وهتعرف تقريبًا الزيادة اللي هتشوفها في مرتبك بداية من الشهر الحالي.