هتشغل محل أو عيادة؟.. لازم تحول عداد الكهرباء لتجاري وإلا هتتعرض للعقوبة
فاتح محل أو مكتب أو عيادة داخل شقة سكنية؟ يبقى لازم تعرف إن استخدام عداد كهرباء سكني في نشاط تجاري ممكن يعرضك للمخالفة والعقوبات.
علشان كده، لازم تتقدم بطلب لشركة توزيع الكهرباء لتحويل العداد من سكني إلى تجاري، مع تقديم المستندات المطلوبة، زي بطاقة الرقم القومي، وعقد الملكية أو الإيجار، وإيصال كهرباء حديث، وموافقة الجهة المختصة على ممارسة النشاط، بالإضافة إلى السجل التجاري والبطاقة الضريبية إذا كان النشاط يتطلب ذلك.
وبعدها بتقوم شركة الكهرباء بمعاينة المكان، وإذا ثبت وجود نشاط تجاري، يتم تغيير نوع التعاقد وتطبيق التعريفة التجارية.
ولو استمريت تستخدم العداد السكني في نشاط تجاري من غير تعديل، ممكن تتعرض لتحرير محضر مخالفة، وقد تصل الإجراءات إلى اعتبارها مخالفة لشروط التعاقد واتخاذ الإجراءات القانونية المقررة.
لو ناوي تبدأ مشروع، خلي أول خطوة إنك تقنن وضع عداد الكهرباء، عشان تشتغل بشكل قانوني وتتجنب أي غرامات أو مشاكل بعد كده.
