قبل ما تشتري الكراسة.. 4 شروط أساسية لحجز شقق التعاونيات 2026
الجمعة 10/يوليو/2026 - 05:00 ص
لو ناوي تقدم على شقق تعاونيات البناء والإسكان 2026، استنى دقيقة... لأن فيه 4 شروط أساسية لازم تتأكد إنك مستوفيها قبل ما تشتري كراسة الشروط.
أول شرط.. لازم تكون مصري الجنسية وشخصًا طبيعيًا، يعني التقديم للأفراد فقط.
ثاني شرط.. سنك ما يقلش عن 21 سنة وقت فتح باب الحجز، ويكون ليك أهلية قانونية للتعاقد.
ثالث شرط.. ما تكونش حصلت قبل كده أنت أو أسرتك على وحدة سكنية أو قطعة أرض ضمن مشروعات الإسكان التعاوني أو الاجتماعي، وفقًا لشروط الطرح.
أما الشرط الرابع.. الالتزام بكل الضوابط الموجودة في كراسة الشروط، وسداد مقدم الحجز والمستندات المطلوبة في المواعيد المحددة.
لو الشروط دي تنطبق عليك، تقدر تبدأ إجراءات الحجز وتنافس على الوحدات المطروحة، لكن لو شرط واحد مش متوفر... طلبك ممكن يتم استبعاده حتى لو قدمت كل الأوراق.
