زيادة المعاشات طلعت أقل من 15%؟.. اعرف السر في الـ600 جنيه

ناس كتير من أصحاب المعاشات استلموا معاش يوليو واستغربوا إن الزيادة باين إنها أقل من 15%، وافتكروا إن في جزء من الزيادة اتخصم.

لكن الحقيقة مختلفة تمامًا.. ال15% بتتحسب على قيمة المعاش التأميني الأساسي فقط، مش على إجمالي المبلغ اللي بينزل كل شهر.

أما علاوة غلاء المعيشة الاستثنائية اللي قيمتها 600 جنيه فهي بتتصرف زي ما هي، لكنها مش بتدخل في حساب نسبة الزيادة. يعني لو معاشك الأساسي 4000 جنيه وعليك علاوة 600 جنيه، الزيادة هتتحسب على الـ4000 فقط، وبعد كده تتضاف الـ600 جنيه كاملة.

عشان كده ناس كتير حسوا إن الزيادة أقل، لكنها في الحقيقة اتطبقت طبقًا للقانون.