تبدأ من 670 ألف جنيه.. أرخص 8 عربيات زيرو في السوق المصري

بتبدأ من 670 ألف جنيه.. لو بتدور على عربية أوتوماتيك زيرو وميزانيتك على القد.. سوق العربيات فيه تشكيلة عربيات جديدة بتجمع بين الإمكانات والسعر المظبوط من غير ما تكسر حاجز المليون والخيارات متنوعة بين علامات ياباني وكوري وصيني وأوروبي عشان تختار اللي يريحك.

واول واحدة هي  ميتسوبيشي أتراج اليابانية ودي بتنزل بفئة واحدة سعرها الرسمي 670 ألف جنيه وبتنافسها بروتون ساجا الماليزية بسعر 675 ألف ولو عينك على شيري أريزو 5 المجمعة محلياً فدي بتبدأ من 730 ألف للفئة الأولى وبتوصل لـ 815 ألف للأعلى تجهيزاً وبنفس السعر 730 ألف بتقدر تركب هيونداي أكسنت آر بي الفئة الأولى وبتوصل لـ 839 ألف لأعلى فئة.

أما نيسان صني الشهيرة فتبدأ من 765 ألف لحد 830 ألف ورينو تاليانت التيربو بتلعب من 755 ألف لـ 815 ألف ورينو كارديان الكروس أوفر من 800 ألف لـ 900 ألف وجيلي إمجراند المصنعة في مصر من 839 ألف لـ 939 ألف
العربيات دي بتديك بدائل مريحة وموفرة في البنزين.