وظايف بمرتبات توصل لـ15 ألف جنيه.. الحق قدم قبل الزحمة

لو بتدور على شغل، فوزارة العمل أعلنت عن دفعة جديدة من الوظايف في فنادق وشركات برواتب بتوصل لـ15 ألف جنيه.

أول فرصة داخل فندق كبير في خليج نعمة بشرم الشيخ، والوظايف تشمل رؤساء أقسام، وطباخين، ومشرف أماكن عامة، ومضيفين، والرواتب بتبدأ من 7 آلاف جنيه وبتوصل لـ15 ألف و500 حسب الخبرة والوظيفة، المطلوب مؤهل متوسط على الأقل، وخبرة سابقة، والسن من 20 لـ45 سنة. 

كمان فيه فرص تانية في شركة للتطوير الزراعي برواتب من 7 لـ10 آلاف جنيه، في وظائف زي مشرف تشغيل، ومهندس جودة، ومشرف توريدات، ومشرف صادر، وأخصائي عمليات، وفرد أمن.

الشركة بتوفر تأمينات اجتماعية، وحوافز، وفرص للترقي الوظيفي، والتقديم على وظائف الفندق بيكون بالتواصل على رقم 01067623771 عن طريق الاتصال أو واتساب.

والوزارة أكدت أن الوظايف دي ضمن النشرة القومية للتشغيل، بهدف توفير فرص عمل حقيقية للشباب وتقليل معدلات البطالة في مختلف المحافظات.