لو الـATM زحمة.. 3 طرق تصرف بيها معاشك فورًا
الجمعة 03/يوليو/2026 - 04:00 ص
لو نزلت تصرف معاشك ولقيت ماكينات الـATM زحمة أو فيها عطل.. متقلقش، في 3 بدائل تقدر تصرف منها مستحقاتك بسهولة.
أول بديل هو منافذ الدفع الإلكتروني زي فوري وأمان ومصاري، كل اللي عليك تمرر بطاقة المعاش، تدخل الرقم السري، وتستلم فلوسك.
تاني بديل لو المعاش مربوط بمحفظة إلكترونية على الموبايل، تقدر تستلم فلوسك من خلال المحفظة وتسحبها من منافذ السحب النقدي أو فروع شركات الاتصالات.
أما لو البطاقة فيها مشكلة أو الماكينة احتجزتها، تقدر تروح أقرب مكتب بريد مميكن أو فرع بنك ناصر الاجتماعي، ومعاك بطاقة الرقم القومي، وتصرف معاشك إلكترونيًا.
يعني لو الـATM زحمة أو مش شغال.. متضيعش وقتك، عندك أكتر من طريقة تقدر تصرف بيها معاشك بكل سهولة.
