زيادة أسعار تذاكر القطارات رسميًا.. اعرف هتدفع كام؟

لو بتسافر بالقطر بشكل يومي.. خليك معايا، لأن من النهارده هتدفع أكتر!
ابتداءً من النهارده، هيئة السكة الحديد بدأت تطبق أسعار جديدة لتذاكر القطارات على كل الخطوط.

لو رايح رحلة طويلة... الزيادة حوالي 12.5%.. ولو رحلتك قصيرة... الزيادة أكبر، ووصلت لـ 25%.

كمان تذاكر الدرجة الأولى والتانية المكيفة زادت 12.5%، وتذاكر الدرجة التالتة زادت بنفس النسبة، مع تقريب سعر التذكرة.

حتى قطارات تحيا مصر شملتها الزيادة بنسبة 25%.

هيئة السكة الحديد بتقول إن السبب هو ارتفاع تكلفة التشغيل، زي أسعار السولار والكهربا، وقطع الغيار، والصيانة، وكمان زيادة أجور العاملين.

وفي المقابل، بتأكد إن الفلوس دي هتساعد في استكمال تطوير السكة الحديد، من تحديث الجرارات والعربيات، وتطوير المحطات، وأنظمة الإشارات، وتحسين مستوى الأمان والخدمة.