بتبدأ من 675 ألف جنيه.. أرخص 5 عربيات سيدان زيرو
بتبدأ من 675 ألف جنيه.. لو بتدور على عربية زيرو وميزانيتك محدودة.. فخليني اقولك على ارخص 5 عربيات سيدان نازلة السوق دلوقتي.
وأرخص واحدة هي بروتون ساجا 2027 بمحرك 1300 سي سي وقوة 95 حصان وعلبة تروس أوتوماتيك وسعرها 675 ألف جنيه ولو بتحب المضمون شيفروليه أوبترا 2027 نازلة بمحرك 1500 سي سي وقوة 98 حصان الفئة الأولى بـ 765 ألف والفئة الثانية بـ 790 ألف جنيه.
أما لو بتدور على التيربو فشيري أريزو 6 جي تي 2027 نازلة بمحرك 1500 سي سي تيربو بقوة 145 حصان الفئة الأولى بـ 995 ألف والثانية بمليون و60 ألف جنيه.
ومعاهم جاك J7 موديل 2026 بمحرك 1500 سي سي تيربو وقوة 150 حصان وسعرها مليون و39 ألف جنيه.
وكل ده كوم و اكسييد اى اس 2027 كوم تاني واللي بتكون بمحرك 1500 سي سي تيربو وقوة مرعبة بتوصل لـ 462 حصان وعزم 634 نيوتن/متر الفئة الأولى بمليون و990 ألف والفئة الثانية بـ 2 مليون و440 ألف جنيه.
