مصنع في بدر بيصدر لـ35 دولة.. واستثمارات جديدة جاية

في خبر مهم للصناعة في مصر.. شركة شنايدر إلكتريك أعلنت إنها بتجهز لتوسعات جديدة في مصنعها بمدينة بدر، وهدفها تزود الإنتاج وترفع نسبة المكون المحلي من 80% لـ85%.

المصنع دلوقتي بيعتبر من أكبر مصانع الشركة في المنطقة، وبيصدر حوالي نص إنتاجه لأكتر من 35 دولة، وكمان بيوفر شغل لحوالي 650 عامل.

الخبر جه خلال اجتماع مع وزير الصناعة، اللي أكد أن الدولة هتقدم كل التسهيلات للشركة علشان توسع إنتاجها، وتزود الاعتماد على المكونات المصرية بدل الاستيراد.

كمان الحكومة شجعت شنايدر تدخل مبادرة "شمس الصناعة"، واللي بتساعد المصانع تعتمد على الطاقة الشمسية علشان تقلل تكلفة الكهرباء وترفع كفاءة الإنتاج.

الشركة من ناحيتها أكدت أنها مستمرة في التوسع داخل مصر، وأنها شايفة السوق المصري مركز مهم للتصنيع والتصدير.

وده كله معناه، أن كل ما التصنيع المحلي يزيد، الاستيراد هيقل، وفرص الشغل هتكتر والصناعة المصرية هتبقى أقوى وقدرتها على المنافسة في الأسواق العالمية هتزيد بشكل كبير.