رغيف العيش وزنه هيقل؟.. وزارة التموين تحسم الجدل

رغيف العيش وزنه هيقل وسعره هيزيد.. كلام كتير على السوشيال ميديا الأيام دي ومقلق الكل عن تغيير سعر ووزن رغيف العيش المدعم وإن حصتك هتقل.

خليني اقولك أن وزارة التموين بالتعاون مع شعبة المخابز طلعت وحسمت الجدل ده كله وأكدت إن كل الإشاعات دي مفيش ليها أي أساس من الصحة والوضع الحالي مستمر زي ما هو ورغيفك هيفضل بـ 20 قرش وبوزن 90 جرام ومن غير أي تغيير في حصة بطاقتك اليومية.

الوزارة وضحت إن الكلام اللي مالي الفيس بوك عن نزول وزن الرغيف لـ 70 جرام ورفع سعره لـ 150 قرش ده كان مجرد مقترحات قديمة وتحت الدراسة في البرلمان ولم يتم اعتمادها أو تطبيقها رسمي خالص.

يعني مفيش حاجة دخلت حيز التنفيذ والجديد بجد اللي هيتطبق مطلع يوليو هو نظام إداري اسمه الخصم المباشر وده يخص صاحب المخبز والوزارة عشان يديروا حصص الدقيق بمرونة ومن غير ما المواطن يحس بأي فرق.