عايز تقدم في تكافل وكرامة؟ اعرف الخطوات قبل الزحمة

لو بتفكر تقدم في برنامج تكافل وكرامة، يبقى لازم تعرف الخطوات والشروط قبل ما تروح تقدم.

أول حاجة، بتتوجه لأقرب وحدة اجتماعية ومعاك بطاقة الرقم القومي السارية، وشهادات ميلاد أفراد الأسرة، ووثيقة الزواج أو الطلاق حسب حالتك، ولو فيه مرض أو إعاقة لازم تقرير طبي معتمد.

كمان لو عندك أولاد في الدراسة، هتحتاج بيان قيد مدرسي ليهم.
لكن مش أي حد يقدر يحصل على الدعم، لأن الوزارة حددت شروط واضحة، أهمها أن الأسرة تكون مستحقة، وما يكونش عندها دخل ثابت أو معاش أعلى من الحد المسموح، وكمان لازم الأولاد يكونوا منتظمين في الدراسة بنسبة حضور لا تقل عن 80%، مع الالتزام بمتابعة الرعاية الصحية للأطفال.

ولو قدمت وعايز تعرف موقف طلبك، تقدر تستعلم بسهولة من خلال موقع وزارة التضامن باستخدام الرقم القومي، وهتعرف إذا كانت البطاقة سارية أو موقوفة وقيمة الدعم المستحق.