200 جنيه زيادة وحذف غير المستحقين... البرلمان يحسم الجدل حول بطاقات التموين
200 جنيه زيادة وحذف غير المستحقين.. كلام كتير على السوشيال ميديا عن بطاقات التموين وحذف فئات غير مستحقة وفي نفس الوقت فيه كلام عن زيادات جديدة بتوصل لـ 200 جنيه.
لكن خليني اقولك أن وزارة التموين بدأت تطبق معايير العدالة الاجتماعية لتنقية البطاقات والاستبعاد هنا ملوش علاقة بالأسر البسيطة ده مخصص لأصحاب مؤشرات الرفاهية العالية زي اللي ساكنين في كمبوندات فاخرة أو عندهم عربيات فاخمة أو أولادهم في مدارس دولية والهدف توفير الفلوس للمستحق بجد.
البرلمان كشف إن المنظومة الجديدة للدعم النقدي هتوفر هدر مرعب بيوصل لـ 30 مليار جنيه في العيش بس والفلوس دي هتنزل للمواطنين على كارت ميزة لشراء السلع الغذائية والدولة قسمت المستحقين لأربع شرائح حسب الاحتياج والمفاجأة السارة هنا إن أقل شريحة هتاخد زيادة بتعدي الـ 100 جنيه وفيه شرائح تانية هتوصل الزيادة بتاعتها لـ 200 جنيه كاملة عشان تعوضهم وتضمن ليهم حياة كريمة
يعني الحذف معمول عشان يمنع التسرب والهدر والزيادة تروح للي يستحقها بجد.
