عشان كل فلوسك متضيعش.. تحذير هام وعاجل من البنوك للمصريين

لو جالك إشعار دلوقتي بيقولك "كسبت هدية مجانية من البنك" هتصدق؟ استنى ثانية واحدة بس لأن الضغطة الغلط ممكن تكلفك كل اللي في حسابك.

تحذير مهم انتشر الساعات اللي فاتت بعد ما رئيس أحد البنوك الكبرى في مصر حذر من صفحة مزيفة بتدعي إنها بتوزع ساعات مجانية للدفع الإلكتروني لعملاء البنك

الصفحة بتطلب من الناس تسجيل بياناتهم البنكية بحجة استلام الهدية، لكن الحقيقة إنها محاولة نصب وسرقة للحسابات

ومع زيادة أساليب الاحتيال الإلكتروني، الخبراء أكدوا إن أي بنك عمره ما هيطلب منك الرقم السري أو كود التحقق أو بيانات بطاقتك من خلال مكالمة أو رسالة أو مواقع التواصل الاجتماعي

عشان كده خليك حذر، ومتضغطش على أي رابط مجهول، ومتصدقش أي جائزة أو هدية قبل ما تتأكد من المصدر الرسمي.