لو مش قادر تنزل بنفسك.. اعرف إزاي توكل حد يصرف معاشك قانونيًا

لو أنت من أصحاب المعاشات ومش قادر تتحرك أو تروح بنفسك تصرف معاشك، فيه طريقة قانونية تقدر من خلالها توكل شخص ينوب عنك.

لكن قبل ما تعمل التوكيل لازم تعرف الشروط المطلوبة. 

أول شرط إن بطاقة الرقم القومي ليك وللشخص اللي هتوكله تكون سارية وغير منتهية.

ثاني شرط إن الرقم القومي للوكيل يتم إدخاله بشكل صحيح أثناء تقديم الطلب.

ثالث شرط إن صاحب المعاش نفسه يكون هو مقدم طلب التوكيل.

رابع شرط لو التوكيل لأكثر من شخص، لازم يتحدد هل هيشتغلوا مجتمعين ولا كل واحد منفرد.

خامس شرط لو التوكيل مرتبط بصفة قانونية معينة، لازم يكون في حدود الصفة دي فقط.

سادس شرط في بعض الحالات لازم تقديم مستندات تثبت الصفة القانونية، زي أصل توكيل سابق أو قرار وصاية أو مستندات رسمية أخرى.

أما الشرط السابع، فهو الاحتفاظ برقم الطلب بعد التقديم الإلكتروني، لأنه هيكون مطلوب عند استكمال الإجراءات في مكتب التوثيق. 

الخدمة متاحة من خلال المنصات الرقمية ومكاتب التوثيق، وبتسهل على كبار السن وأصحاب المعاشات إنهم ينجزوا إجراءاتهم من غير مشقة أو تنقلات كتير.