فراخ مكان العيش.. وزير التموين بيكشف مفاجآت عن منظومة الدعم الجديد

هتاخد فراخ بدل العيش والجبنة.. أيوة زي ما سمعت الكلام ده بجد ومش إشاعة ودي واحدة من أكبر المفاجآت اللي بتجهزها وزارة التموين في المنظومة الجديدة للدعم عشان تديك حرية اختيار سلعك حسب احتياج بيتك.

وزير التموين كشف إن منظومة الدعم النقدي الجديدة هتكون مرنة جدا يعني لو الأسرة مش محتاجة عيش أو جبنة الشهر ده تقدر تبدلها وتاخد مكانها فراخ أو سلع تانية هي محتاجاها أكتر

والوزارة بتفكر كمان تعمل نظام السلة الصحية يعني يجمعوا لك السلع الأساسية زي الزيت والأرز والسكر والمكرونة والسمنة في كرتونة واحدة جاهزة بمبلغ معين وتستلمها فورا

والمفاجأة التانية والأحلى إنك مش هتكون مجبر تروح لمنفذ جمعيتي أو بقال التموين وبس لأن الوزارة بتوسع قاعدة المستفيدين وبتزود السلاسل التجارية الكبيرة في المنظومة عشان تقدر تصرف مقرراتك التموينية من أماكن تانية كتير قريبة منك وبكل سهولة