عايز شقة من طرح الـ30 ألف وحدة؟ اعرف أهم 3 شروط قبل التقديم
لو بتفكر تقدم على شقق الإسكان الجديدة ضمن طرح الـ30 ألف وحدة بنظام الإيجار التمليكي.. لازم تعرف 3 شروط أساسية قبل ما تبدأ التقديم.
أول شرط.. سن المتقدم لازم يكون 21 سنة أو أكثر وقت تقديم الطلب.
تاني شرط.. ما تكونش حصلت قبل كده على شقة أو قطعة أرض من مشروعات الإسكان المدعومة من الدولة.
أما الشرط التالت.. ما يكونش عندك أو عند أي فرد من أفراد أسرتك وحدة سكنية خاصة تصلح للسكن.
طيب إيه الأوراق المطلوبة؟
هتحتاج صورة بطاقة الرقم القومي للزوج والزوجة لو متزوج.
ومفردات مرتب أو مستند رسمي يثبت الدخل الشهري.
ولو صاحب مهنة حرة، هتقدم شهادة دخل معتمدة من محاسب قانوني.
كمان صور شهادات ميلاد الأبناء القصر، وإيصال مرافق حديث لمحل السكن الحالي.
وفي بعض الحالات هيكون مطلوب برنت تأمينات اجتماعية.
وأخيرًا هتوقع إقرار إنك ما استفدتش من أي دعم سكني أو مشروع إسكان حكومي قبل كده.
الطرح الجديد بيستهدف محدودي ومتوسطي الدخل، وهيكون في عدد من المدن الجديدة بالقاهرة الكبرى ومحافظات مختلفة.
