المنحة لسة بتتصرف.. مفاجأة من وزارة التموين للمواطنين

المنحة مارحتش عليك..  لو انت من أصحاب بطاقات التموين اللي تخلفوا عن صرف منحة الدعم الإضافي الشهور اللي فاتت أو لسه ما صرفوش المتبقي ليهم ففيه مفاجأة من وزارة التموين والتجارة الداخلية اللي قررت رسميا إتاحة استكمال صرف المتبقي من المنحة دي خلال شهر يونيه الجاري.

يعني لو راحت عليك في وقتها تقدر تعوضها وتصرفها دلوقتي مع دعمك الشهري العادي ومن غير أي مشكلة.

المنحة دي مخصصة للأسر الأكثر احتياجا وبتشمل شهري مارس وأبريل 2026 وقيمتها بتوصل لـ 400 جنيه لكل بطاقة مستحقة عن الشهر الواحد يعني الإجمالي بيتكلم في 800 جنيه عن الشهرين كاملين.

والوزارة بتوفرلك المبلغ ده في صورة سلع تموينية متنوعة تقدري تخاري منها اللي يحتاجه بيتك من كل المنافذ المعتمدة.