لو ماكينة الـATM معملتش إيداع لفلوسك.. أعرف التصرف الصح عشان ترجعهم

فلوسك دخلت الATM بس ما دخلتش حسابك موقف بسيط في شكله، لكنه كفيل يسبب قلق لأي حد.

تخيل إنك بتروح تودّع فلوس في ماكينة الصراف الآلي، الماكينة تسحب المبلغ طبيعي، وكل حاجة تبان إنها تمام لكن لما تفتح حسابك تلاقي الرصيد زي ما هو
المهم هنا إن أول تصرف في اللحظة دي بيفرق جدًا أول خطوة لو الماكينة طلعت إيصال، احتفظ بيه فورًا، ولو ما طلعش صوّره أو خد لقطة للشاشة أو رسالة التأكيد.

ثاني خطوة سجّل وقت العملية والمكان بدقة، لأن البنك بيرجع للتفاصيل دي في الفحص.

بعد كده مباشرة.كلم خدمة عملاء البنك وبلّغ بالمشكلة فورًا، عشان يتفتح طلب مراجعة للمعاملة.

والأهم ما تكررّش عملية الإيداع تاني في نفس اللحظة، عشان ما يحصلش تداخل أو خصم مرتين بالغلط.

البنوك عادة بتراجع كاميرات الماكينة وعدّ النقدية بداخلها، ولو فعلاً فيه فرق أو خطأ تقني، المبلغ بيرجع لحسابك بعد انتهاء الفحص.

الموضوع ممكن ياخد وقت بسيط، لكن التصرف الصح من البداية هو اللي بيضمن إن فلوسك ما تضيعش.