رسميًا.. تطبيق زيادة الأجور وبدء الدراسة وكأس العالم ضمن أهم أحداث النصف التاني من 2026
لو فاكر إن 2026 خلاص قربت تخلص.. استنى لأن النصف التاني من السنة فيه قرارات وأحداث هتأثر على ملايين المصريين.
أول خبر منتظره ناس كتير جدًا.. زيادة الحد الأدنى للأجور، واللي الحكومة أعلنت إنها هتوصل لـ8 آلاف جنيه على الأقل، مع زيادات لباقي الدرجات الوظيفية تبدأ من 1200 جنيه، وده هيبدأ تطبيقه رسميًا مع مرتبات شهر يوليو.
كمان عشاق الكورة مستنيين مشاركة منتخب مصر في كأس العالم 2026، والبطولة هتنطلق يوم 11 يونيو، وأول مباراة للمنتخب هتكون قدام بلجيكا يوم 15 يونيو.
أما رسميًا.. فصل الصيف هيبدأ يوم 21 يونيو، بعد موجات الحر الكبيرة اللي بنعيشها حاليًا.
وبرضو طلاب كتير مستنيين انتهاء امتحانات الثانوية العامة علشان تبدأ إجازة آخر السنة بشكل رسمي في يوليو.
وكمان وزارة التعليم أعلنت إن الدراسة للعام الجديد 2026 - 2027 هتبدأ يوم 12 سبتمبر.
وفي آخر السنة.. هنرجع نطبق التوقيت الشتوي تاني مع آخر جمعة من شهر أكتوبر.
