الفرحة بقت فرحتين.. تبكير صرف معاشات يونيو بالزيادة الجديدة قبل العيد
الأربعاء 20/مايو/2026 - 03:30 ص
فلوس زيادة والصرف قبل العيد.. لو أنت من أصحاب المعاشات فأنا جايلك بخبرين بمليون جنيه حرفيا.
الهيئة القومية للتأمين الاجتماعي أعلنت رسمياً تبكير صرف معاش شهر يونيو 2026 بناء على توجيهات رئاسية عشان القبض يبدأ من يوم الأحد 24 مايو.
أما المفاجأة الثانية إن فيه زيادة جديدة قيمتها 10% هتنزل فوراً مع معاش الشهر ده لأعضاء نقابة المهن الموسيقية
نقيب الموسيقيين مصطفى كامل أعلن تطبيق الزيادة ديه رسمياً مع استحقاق يونيو عشان يوصل مبلغ المعاش بعد الزيادة لـ 2750 جنيه ويصرفوها بعد العيد مباشرة كدعم إضافي لأعضاء النقابة.
باقي أصحاب المعاشات في الدولة ليهم برضه زيادة سنوية بحد أقصى 15% مبرمجة حسب القانون والتضخم وبتنزل في الماكينات مع استحقاق شهر يوليو.
