هل الموظف يقدر ياخد تكافل وكرامة؟.. التضامن تحسم الجدل

ناس كتير بتسأل: لو شغال حكومة أو قطاع خاص ينفع تاخد معاش تكافل وكرامة؟
الإجابة لأ.. وزارة التضامن أكدت إن من أهم شروط القبول إن الشخص ما يكونش موظف ثابت أو عنده دخل ثابت يضمن معيشته.

كمان فيه شروط تانية زي:
ما يكونش عندك عربية أو مشروع باسمك
وما تمتلكش أرض زراعية أكتر من نص فدان
والدخل الشهري للأسرة ما يزيدش عن الحد المحدد

ولو هتقدم لأول مرة لازم تجهز أوراق مهمة زي:
بطاقة الرقم القومي، شهادات الميلاد، بطاقة التموين، قيد المدارس، ومستندات الحالة الاجتماعية.

ولازم تعرف ان البرنامج معمول لدعم الأسر الأكثر احتياجًا ومحدودي الدخل في كل المحافظات