بخصم 50%.. خد بالك فخ هيدمر كارت العداد ويسرق رصيدك

خد بالك فخ هيدمر كارت العداد ويسرق رصيدك.. الساعات الأخيرة ناس كتير لقيت رابط على واتساب أو فيسبوك وبيقول اشحن بخصم 50%..  و ده أكبر فخ رقمي ونصب باسم شركة الكهرباء 
واللي بمجرد ما تضغط على الروابط دي أنت بتعرض كارت العداد للتلف نهائياً لأن التطبيقات المجهولة بتبعت أوامر برمجية غلط للشريحة بتخليها تتحرق وما تشتغلش تاني وتضطر تروح الشركة تطلع بدل تالف وتدفع رسوم زيادة.

ده غير إن رصيدك اللي موجود أصلاً ممكن يطير في الهوا والفلوس اللي دفعتها في الشحنة الوهمية تضيع عليك والأخطر هو سرقة بيانات الفيزا بتاعتك بمجرد ما تسجلها على الموقع.

عشان كدة لازم تأمن نفسك وتشحن بس من الطرق الرسمية زي تطبيق سهل أو خالص أو ماي فوري والمحافظ الإلكترونية المعتمدة وماكينات أمان ومصاري وضامن المنتشرة في كل مكان وبلاش تمشي ورا العروض الوهمية عشان تحمي بيتك و فلوسك وبياناتك من السرقة.